C級

【文章朗讀第1篇】

※準備的時間30秒，朗讀的時間1分30秒，閣賰20秒的時會「tng」2聲提醒。

　最近新聞不時咧報導校園霸凌(lîng)的事件，所以幫助囡仔避免成做受霸凌的對象就非常重要。平常時仔愛教囡仔毋通去較會發生霸凌的所在；欲創啥盡量佮人鬥陣，莫單獨行動；身軀頂莫紮(tsah)貴重的物件抑是囥足濟錢。若不幸變成霸凌的目標，愛教囡仔知影：第一、保持冷靜：予人唱聲抑是受著威脅的時，若表現出緊張、受氣，顛倒會予對方閣較興(hìng)。第二、態度堅定：對無理的要求愛隨拒絕，揣機會離開現場。第三、揣人協助：代誌發生了後，愛緊共爸母、老師抑是朋友講，防止仝款的代誌閣再發生。

【評論第1條】

※準備的時間1分鐘，評論的時間2分鐘，閣賰20秒的時會「tng」2聲提 醒。

評論：請問你敢有同意這篇文章的看法？你敢猶閣有其他的方法來避免霸凌？

※每一條準備的時間1分鐘，講的時間2分鐘，閣賰20秒的時會「tng」2聲 提醒。

【第 1 條】
臺灣的風景非常美麗，真適合發展觀光事業，請問你認為應該愛用啥物方法來發展？